खोरेत तथा सीमाबिहिन पशुरोग अन्वेषण प्रयोगशालाको कार्यविवरण
- १. खोरेत, स्वाईनफिभर, ब्लुटङ्ग लगायतका महामारी रोगहरुको रोग अन्बेषणको लागि रिफरल प्रयोगशालाको रुपमा कार्य गर्ने ।
- २. खोरेत तथा अन्य ट्याड्स रोगहरु नियन्त्रणका लागि राष्ट्रिय नीति, रणनीति तथा कार्यक्रमहरु तयार पार्न पशु सेवा विभाग लाई आवश्यक सहयोग पुर्याउने ।
- ३. रोग निदान सेवालाई प्रभावकारी बनाउन राष्ट्रिय तथ्याङ्कका आधारमा रोग नियन्त्रण कार्ययोजना तर्जुमा गर्ने ।
- ४. खोरेत, क्लासिकल स्वाइनफिभर तथा ब्लुटङ्ग रोगको सिरो सर्भिलेन्स गरी रोग नियन्त्रणमा सहयोग पुर्याउने ।
- ५. खोरेत, स्वाईनफिभर, ब्लुटङ्ग लगायतका महामारी रोगहरुको निदान गर्न आवश्यक पर्ने गुणस्तरयुक्त नमूना संकलन र प्रेषणको लागि आवश्यक रिएजेन्ट्स तथा डायगोनिष्टिक्स तयार गर्ने ।
- ६. राष्ट्रिय रोग नियन्त्रण कार्यक्रम अन्तरगत प्रयोग भएका खोरेत तथा स्वाईनफिभर खोपको प्रभावकारीता विष्लेषण गर्ने ।
- ७. रोग निदान प्रविधिलाई समय सापेक्ष विकास गरी प्रभावकारी बनाउने ।
- ८. राष्ट्रिय तथा अन्तराष्ट्रिय प्रयोगशालाहरुसंग समन्वय गरी रोग निदान, अन्वेषण तथा नियन्त्रण प्रकृयालाई हार्मोनाइज्ड गर्ने ।
- ९. प्रयोगशालाबाट छिटो छरितो तथा भरपर्दो रोग निदान सेवा उपलब्ध गराई पशुधन सुरक्षा गर्न सहयोग गर्ने ।
- १०. पशु रोग अन्वेषण प्रयोगशालाहरुमा आवश्यक आधुनिक रोग निदान सम्बन्धी प्रविधि विकास, विस्तार तथा हस्तान्तरण गर्ने ।
- ११. खोरेत, स्वाईनफिभर, ब्लुटङ्ग लगायतका महामारी रोगहरुबाट पशु तथा पशुजन्य उत्पादनमा पर्ने प्रतिकुल प्रभावको रोकथाम तथा नियन्त्रणको लागि कृषकवर्ग र अन्य सरोकारवालाहरुमा जनचेतना अभिवृद्घि गर्ने ।
- १२. खोरेत, स्वाईनफिभर, ब्लुटङ्ग लगाएतका महामारी रोगहरुको अन्वेषण तथा निदान सम्बन्धी कार्य गर्न, राष्ट्रिय तथा अन्तराष्ट्रिय संघ संस्थाहरुसंग समन्वय गर्ने ।
- १३. अन्तर्राष्ट्रिय रिफरल प्रयोगशालासँग समन्वय गरी प्रोफिसियन्सी टेस्टिङमा सहभागी हुने ।
- १४. ल्याबोरेटोरी सूचना व्यवस्थापन प्रणाली संचालन गर्ने ।
नमुना परिक्षण तथा विष्लेषण शाखा
१. नमुना संकलन, परिक्षण तथा विष्लेषण संबन्धी प्रयोगशालाको कार्य योजना तयार गरी कार्यान्वयन गर्ने ।
२. खोरेत तथा क्लासिकल स्वाइन फिभर विषाणुको प्रकार पहिचान गर्ने ।
३ राष्ट्रिय रोग नियन्त्रण कार्यक्रम अन्तरगत प्रयोग भएका खोरेत तथा स्वाईनफिवर खोपको प्रभावकारीता सिरोमोनिटोरिङ्ग गरि विष्लेषण गर्ने।
४. खोरेत, क्लासिकल स्वाइन फिवर तथा ब्लुटङ्ग रोगको सिरो सर्भिलेन्स गर्ने ।
५. परीक्षण गरिएका नमूनाहरुको नतीजा समयमा सम्बन्धित निकायमा पठाउने व्यवस्था मिलाउने ।
६.प्रयोगशाला सम्बन्धि कागजातहरुको रेकर्ड राख्ने ।
मोलिकुलर वायोलोजि शाखा
१. नमुना परिक्षण तथा विष्लेषण संबन्धी प्रयोगशालाको कार्य योजना तयार गरी कार्यान्वयन गर्ने ।
२. पिसिआर विधीद्धारा खोरेत रोगको भाईरसको सेरो टाईपिंग गरी क्यारेक्टराईजेशन गर्ने ।
३. पिसिआर विधिद्धारा क्लासिकल स्वाइन फिवर रोगको भाईरसको भए नभएको निदान गर्ने ।
४.परीक्षण गरिएका नमूनाहरुको नतीजा समयममा सम्बन्धित निकायमा पठाउने व्यवस्था मिलाउने
५. नविनतम मलिकुलर वायोटेक्नोलोजीको माध्यमबाट पशुका रोगको छोटो र सुरक्षित तरिकाले विशेष परीक्षण गर्ने ।
जैविक सुरक्षा तथा गुण नियन्त्रण शाखा
१. प्रयोगशालाको वातावरण तथा प्रयोगशालामा काम गर्ने प्राबिधिकहरुको जैबिक सुरक्षा राख्ने कार्य गर्ने ।
२. प्रयोगशालामा गरिने परिक्षण बिधिहरुको गुण नियन्त्रण गर्ने ।
३. केमिकल्स, रिएजेन्ट्स तथा मिडियाहरुको सुरक्षित तरिकाले राख्ने व्यवस्था मिलाउने ।
४. प्रयोगशाला र प्रयोगशाला उपकरणको सरसफाई तथा निर्मलिकरण गर्ने व्यवस्था मिलाउने ।
५. प्रयोगशाला परीक्षण पश्चात उत्पन्न हुने जैविक तथा अन्य पदार्थको सुरक्षित तरिकाले डिस्पोज गर्ने व्यवस्था मिलाउने ।
प्रशासन शाखा
१. प्रयोगशालाको कर्मचारी प्रशासन सम्बन्धी कार्य गर्ने ।
२. प्रयोगशालाको जिन्सी व्यवस्थापन लगायत अन्य सम्पूर्ण प्रशासनिक कार्यहरु संचालन गर्ने ।
३. प्रयोगशालाको लेखा तथा श्रेस्ता व्यवस्थापन सम्बन्धी कार्य गर्ने ।